Səudiyyə Ərəbistan 6 İranlını edam etdi.

Səudiyyə Ərəbistanı Daxili İşlər Nazirliyi ölkəyə narkotik maddə gətirməyə çalışdıqları iddiası ilə 6 İran vətəndaşının edam edildiyini açıqlayıb.

Səudiyyə Ərəbistanının rəsmi xəbər agentliyi SPA-nın verdiyi məlumata görə, Daxili İşlər Nazirliyi tərəfindən yayımlanan yazılı açıqlamada, “Cəsim Məhəmməd Şabani, Əbdürrza Yunis Tənkasiri, Xəlil Şəhid Samri, Məhəmməd Cavad Əbdülcəlil, Mehdi Kənan Qənimi və Hür Məhəmməd Şabani adlı İran vətəndaşları ölkəyə narkotik gətirməyə cəhd ediblər” ifadələrinə yer verilib.

Açıqlamada, adıçəkilən şəxslərin saxlanıldığı, məhkəmə qarşısına çıxarıldığı və təqsirli bilinərək edam cəzasına məhkum edildiyi bildirilib. Səudiyyə Ərəbistanı Krallığının həmin məhkəmə qərarının icra edilməsi barədə göstəriş verdiyi vurğulanıb və iranlı məhkumların edam edildiyi qeyd olunub.

İRANIN EDAMLARA REAKSİYASI
Digər tərəfdən, İranın rəsmi xəbər agentliyi IRNA-nın verdiyi xəbərə görə, İran Xarici İşlər Nazirliyi Səudiyyə Ərəbistanının Tehrandakı səfiri Abdullah bin Suud Əl-Anazini nazirliyə çağırıb və ona bu edamlara qarşı “kəskin ifadələrdən ibarət etiraz notası” təqdim edib.