Rusiya və Belarusya birgə təlim keçirib

Rusiya və Belarusya orduları Belarusun Brest vilayətində, Ukrayna və Polşa sərhədində birgə döyüş təlimi keçirib.
Rusiya Müdafiə Nazirliyindən verilən açıqlamada, Ukrayna və Polşa sərhədində, Belarusyanın Brest bölgəsində rus və belarus əsgərlərinin birgə döyüş təlimi keçirdiyi bildirilib.

Bildirilib ki, əsgərlərin meşəlik ərazilərdə çətin şəraitdə hərbi maşınlardan istifadə imkanları təkmilləşdirilib. Yayımlanan görüntülərdə əsgərlərin sovet istehsalı olan BMP-2 tipli zirehli piyada döyüş maşınına quraşdırılmış toplardan və raket sistemlərindən atəş açdığı, yüngül zirehli texnika ilə yaşayış məntəqələri münaqişələrində iştirak etdiyi, qarşıdurmada düşmən hədəflərinin zərərsizləşdirilməsi ilə məşğul olduğu görülüb.