ABŞ Suriyadakı missiyasını davam etdirəcək - Pentaqon

ABŞ Suriyadakı hərbi varlığını davam etdirmək niyyətindədir.

Bunu jurnalistlərə açıqlamasında ABŞ Müdafiə Nazirliyinin mətbuat katibi Con Kirbi deyib.

C.Kirbi bildirib: "Biz İŞİD terror qruplaşmasının üzvlərinə qarşı mübarizə məqsədilə Suriyadakı hərbi varlığımızı davam etdiririk. Bu, koalisiya səylərimizin bir hissəsidir".

O vurğulayıb ki, terror qruplaşmasının əsas hissəsi darmadağın edilib, lakin Suriyanın ərazisinin əhəmiyyətli bir hissəsi hələ də nəzarətsizdir.