Tramp ABŞ hərbçilərinin İraqdan çıxarılması şərtlərini açıqladı

Donald Tramp ötən gün İraq parlamentinin ABŞ hərbi qüvvələrinin ölkəni tərk etməsi haqda qərarını şərh edib.

“Haberglobal” məlumat verir ki, ABŞ prezidenti İraqda bahalı güc inşa etdirdiklərini və xərclərinin geri ödənilmədiyi müddətcə oradan çıxmayacaqlarını söyləyib.

Floridadan qayıdan Donald Tramp təyyarədən enəndən sonra jurnalistlərə verdiyi açıqlamada əvvəldən İraqa daxil olmağın əleyhinə olduğunu və bu ölkənin 11 sentyabr hücumları ilə əlaqəsinin olmadığının sübuta yetirildiyini bildirib.(oxu.az)