ABŞ-ın İraqdakı səfirliyi minaatanlardan atəşə tutuldu: mühafizəçi həlak oldu

ABŞ-ın Bağdadda yerləşən səfirliyi minaatanlardan atəşə tutulub.

TASS xəbər verir ki, hücum nəticəsində səfirliyi mühafizə edən İraq hərbçisi həlak olub, daha iki nəfər yaralanıb.

Məlumata görə, mərmi ABŞ-ın bu ölkədəki səfirliyinin binası yaxınlığına atılıb.

ABŞ səfirliyi Bağdadın “Yaşıl zona”sında – İraq paytaxtının ən təhlükəsiz rayonunda yerləşir.

Hücumdan sonra hava həyacanı sirenaları səslənib.