Azərbaycanda devalvasiya olacaq? - AÇIQLAMA

Son bir neçə ayda Azərbaycanda devalvasiyanın olması ilə bağlı iddialar səsləndirilir. Hətta aprel ayından sonra devalvasiyanın olacağı ilə bağlı da fikir söyləyənlər var. Apreldə Azərbaycanda devalvasiya ola bilərmi?

Bununla bağlı iqtisadçı-ekspert Akif Nəsirli bildirib ki, dolların yenidən bahalaşması neftin qiymətindən asılıdır:

"Bu gün neftin qiyməti 70 dollar civarındadır. Bəzən də 70 dollardan da baha olur. Hökumətin dolların məzənnəsini stabil saxlamaq imkanları var. Ona görə də düşünürəm ki, devalvasiyanın olması gözlənilən deyil. Çünki büdcənin idarə edilməsi üçün pul qıtlığı yoxdur. Hökumətin bunun üçün kifayyət qədər vəsaiti var. Bu gün manatın qiymətinin stabil saxlanılması üçün kifayət qədər şərait var. Mən inanmıram ki, dövlət bu ilin sentyabrına qədər devalvasiya barədə qərar qəbul etsin".