Bakıda maşın XƏNDƏYƏ AŞDI: Ölən var

Binəqədi rayonunun Biləcəri qəsəbəsi ərazisində yol-nəqliyyat hadisəsi baş verib.

Bu barədə Daxili İşlər Nazirliyi məlumat yayıb.

Bildirilib ki, martın 12-də saat 15 radələrində Binəqədi rayonunun Biləcəri qəsəbəsi ərazisində qəsəbə sakini Ə.Qurbanov idarə etdiyi VAZ-2107 markalı avtomobili xəndəyə aşırıb və aldığı xəsarətlərdən hadisə yerində ölüb.

Binəqədi Rayon Polis İdarəsi tərəfindən araşdırma aparılır.