Niyam Samirin pullarını götürüb qaçıb?

Müğənni Niyam Salami və Samir Piriyevin Bodrumda qurduğu bizneslə bağlı söz-söhbət bitmək bilmir.

Regiitv.az xəbər verir ki, "Onun sirri" proqramında Türkiyədə biznes açan ifaçıların yola getməməmsinin əsl səbəbi açıqlanıb.

"Dedi ki, iynə atsan yerə düşməz. Mən də getdim, iynəni görmədim, olmadı. Ya zaman bizi aldatdı, ya da bilmirəm. Gedəndə dostlarım dedi ki, getmə. Qonaqpərvər adamam, arzulayıram ki, balaca yerim olsun, musiqiçilər otursun. Ona görə də getdim restoran işlətməyə" deyə, Niyam söyləyib.

Verilişdə bildirilib ki, Niyam restoran kassasından gizlincə pulları götürüb, Bakıya gəlib. "Bir neçə günlük qazancı götürüb qaçmısan" sualına ifaçı "Hansı pulu? Restoran açılmayıb, necə qaçdım?" cavabını verərək, əvvəlcə etiraz edib.

Niyam daha sonra belə halın yaşandığını etiraf edib:

"Orada böyük xırdalıqlar var. Kişi arasında elə şeylər var ki, açmaq olmaz. Qardaşım orada pulsuz aşpaz işləyirdi. Dostlarım pulsuz fəhləlik etdilər. Gördüm ki, nələrsə məndən xəbərsiz baş verir, sakit hamını götürdüm, neçə lirə götürdüm qayıtdım. Amma gəlib hələ 2 min də cibimdən biletə pul verdim. Mən necə getməli idim? Oradan götürdüyüm pul heç min manat etmirdi"./Axşam.az