Milli Məclisin şöbə müdiri sosial şəbəkədə "PORCHE"sini satışa çıxartdı - FOTO

Milli Məclisin Beynəlxalq münasibətlər şöbəsinin müdiri İlkin Məmmədov öz Facebook səhifəsində maşın satır.

Qlobal.az xəbər verir ki, bu barədə araşdırmaçı jurnalist Cavanşir Həsənli feysbuk səhifəsində məlumat yayıb.

Jurnalist yazır: "Cənab Məmmədov "Turbo.az" saytında satışa çıxardığı özünə məxsus Porsche Boxter S avtomobilinin elanını öz səhifəsində də yerləşdirib.
Avtomobil 54 min dollara (təxminən 92 min manata) təklif olunub. Elanda qeyd olunduğu kimi bu komplektasiyada Azərbaycanda ikinci avtomobil yoxdur. Şöbə müdiri onu ikinci avtomobil kimi nadir hallarda sürüb, amma hansı zərurətdən satışa çıxardığı bəlli deyil. İlkin Məmmədov keçmiş spiker Oqtay Əsədovun bacısı oğlunun qaynıdır".