Helikopter Marsda ilk uçuşunu keçirəcək

"Perseverance" (Əzmkarlıq) adlı planet roveri ilə birgə Marsa çatan "Ingenuity" (İxtiraçılıq) adlı helikopter Qırmızı Planetdə ilk sınaq uçuşunu 11 apreldən tez olmayaraq həyata keçirəcək.

Bu barədə ABŞ Milli Aviasiya və Kosmik İdarəsi (NASA) bildirib.

Uçuşun nəticələri barədə məlumat 12 aprel tarixində verilə bilər.

Bundan əvvəl ABŞ kosmik agentliyi uçuşun 8 aprel tarixində reallaşa biləcəyini bildirib.