Bakıda evdən külli miqdarda qızıl aparılıb

Paytaxtın Suraxanı rayonunda oğurluqla məşğul olan şəxslər tutulublar.

Daxili İşlər Nazirliyinin mətbuat xidmətindən bildiriblər ki, Suraxanı rayonu ərazisindəki evlərin birindən üç min manat dəyərində qızıl-zinət əşyaları oğurlamaqda şübhəli bilinən Bakı şəhər sakinləri S.Mustafayev, qardaşı S.Mustafayev və S.Məmmədov rayon polis idarəsinin 30-cu polis şöbəsi əməkdaşlarının keçirdikləri əməliyyat-axtarış tədbiri nəticəsində saxlanılıblar.

Faktla bağlı təhqiqat davam etdirilir.