Rəhbərlik dəyişəndən sonra “Xəzər”ə qayıtdı

Aparıcı-aktrisa Zümrüd Qasımova illər sonra yenidən “Xəzər TV”də aparıcı olacaq.

“Qafqazinfo”nun məlumatına görə, o, bununla bağlı kanal rəhbəri Murad Dadaşovla razılıq əldə edib və verilişin çəkilişlərinə start verib.

Proqramda məşhur mədəniyyət üzvlərinin həyatından bəhs edilir, onların doğulduğu bölgələrdən çəkilişlər həyata keçirilir.

Qeyd edək ki, ötən ay Əməkdar artist Elnarə Abdullayeva da sözügedən layihənin çəkilişi üçün rayona getməyə cəhd etmiş və karantin qaydalarını pozduğuna görə post-patrul xidməti əməkdaşları tərəfindən saxlanılaraq cərimələnmişdi.

Xatırladaq ki, Z. Qasımova 2016-cı ildə “Xəzər TV”yə Şamxal Həsənli rəhbər gətirildiyi vaxt televiziya ilə yollarını ayırıb, daha sonra ARB və “Space TV”də fəaliyyət göstərib.