“TikTok” üçün video çəkən gənc faciəli şəkildə öldü

“TikTok” sosial media hesabı üçün video çəkməyə çalışan gənc səhvən silahdan açılan atəş nəticəsində həyatını itirib.

Sondakika.com-un məlumatına görə, hadisə Pakistanın Karaçi şəhərində baş verib.

Şəhər polisi 17 yaşlı gəncin ölümünə səbəb olan silahın atasına aid olduğunu bildirib.

Qeyd edək ki, Pakistanda bu ay daha bir gənc “TikTok” üçün video çəkməyə çalışarkən qatarın altında qalıb ölmüşdü.