Məsut Özildən oruc tutanlara dəstək - futbolçu Qızıl Ayparaya ianə etdi

Londonun “Arsenal” klubunun futbolçusu Məsut Özil Türkiyənin Qızıl Aypara Cəmiyyətinə 80 min funt (171 min AZN) ianə edib. Vəsait orucu pandemiya şəraitində tutmağa məcbur olan müsəlmanlara yardım etmək üçün nəzərdə tutulub.

Bu barədə “Sun” nəşri yazır.

“Qardaşımız Məsutun sayəsində ehtiyacı olanlar ən qısa zamanda lazım olan hər şeylə təmin olunacaqlar ”, - deyə Türkiyənin Qızıl Aypara Cəmiyyətinin rəhbəri Kərəm Kinik nəşrə bildirib.

Qeyd edilir ki, futbolçu bütün müqəddəs Ramazan ayı ərzində Türkiyədə və Suriyada 16 min insanı ərzaq və dərmanlarla təmin edəcək.