Avropanın iki ölkəsində koronavirusa yoluxanların sayı artdı

Almaniya və İspaniyada koronavirusa yoluxanların sayı artıb.
Almaniyada 105, İspaniyada isə 29 nəfərdə koronavirus infeksiyası aşkarlanıb.

Bununla da koronavirusa yoluxanların sayı Almaniyada 639-a, İspaniyada isə 374-ə çatıb.

Koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda epidemiya 95 ölkədə qeydə alınıb.

Dünyada koronavirus infeksiyasına indiyədək yoluxanların sayı 100 714-ə çatıb. Bunların 55 995 nəfəri sağalıb, 3 412 nəfəri isə ölüb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub. (Report.az)