Əli Əhmədov: “SSRİ-nin süqutundan sonra ən yüksək inkişaf edən dövlətlərdən bəlkə də birincisi Azərbaycandır"

"SSRİ-nin süqutundan sonra ən yüksək inkişaf edən dövlətlərdən biri, bəlkə də birincisi Azərbaycandır".
Bizimyol.info xəbər verir ki, bunu Bakıda BMT ilə Azərbaycan arasında tərəfdaşlığın növbəti beşilliyi üçün prioritet sahələrinin müəyyənləşdirilməsi məqsədilə keçirilən konfransda Dayanıqlı İnkişaf üzrə Milli Əlaqələndirmə Şurasının sədri, baş nazirin müavini Əli Əhmədov bildirib.

Onun sözlərinə görə, BMT ilə strateji əlaqələr davam etdiriləcək: “Ermənistan-Azərbaycan Dağlıq Qarabağ problemi nəticəsində vətəndaşlarımız məcburi köçkün düşüblər. Məcburi köçkün probleminin həlli üçün BMT sərt mövqeyini ortaya qoymalıdır. Bu problem ölkəmizin inkişafına mane olur”.

Əli Əhmədov bildirib ki, Azərbaycan 2012-2017-ci illərdə BMT-yə iki hesabat təqdim edib:

"Hesab edirəm ki, 2030-cu ilə qədər dünyanın transformasiyası layihəsi çərçivəsində də Azərbaycan öz töhfəsini verəcək. Azərbaycan dünyanın bir parçasıdır. Azərbaycanın inkişafını dünyanın inkişafından kənarda təsəvvür etmək mümkün deyil. Buna görə də Azərbaycanın inkişaf strategiyasını BMT-nin müəyyən etdiyi inkişaf strategiyasına uyğunlaşdırılması gedir".